Sorkarin Telegram khapna a hlip

Sorkar laipuiin instant messaging app lian ,'Telegram' khapna lailawk a siam chu a hlih tak avangin Thawhlehni khan Google Play Store-ah dah chhuah leh a ni ta. Android hmangtute tan download leh update theih a ni leh tawh a, Apple App Store-ah erawh chuan Thawhlehni chawhma thleng khan a la lang lo zui thung.

He app hi NEET-UG re-examination neih zawh takah exam paper dik lo leh hriattirna dik lo thehdarhtu, 'cheating rackets' te venna turin sorkarin exam neih hma in a khap a ni. National Testing Agency (NTA) ngenna angin, Ministry of Electronics and Information Technology (MeitY) chuan June 16 aṭanga 22 thleng khan Telegram leh a thlunzawm web service-te hi a block a ni.

June 21 khan NEET re-exam hi ram chhung leh ram pawn lama centre hrang hrangah tluang taka neih a ni a, khapna hi pawhsei belh a nih loh thu sorkar chuan a tarlang. Hemi rual hian Telegram-a thu ziah tawh hnu siamremna ,'message-editing feature' erawh chu June 30 thleng hman rih loh tura khap zui a la ni thung.