Inthawinan Karnataka MLA inhal a tum

Karnataka-a Hosadurga MLA Gulihatti D Shekar chu Pathianni zan khan Police-te nen an inhnial buai hnuah inthawinan amah leh amah inhal a tum a, police te hian an dang a ni.

Shekar hi police-te nen hian nasa takin an inhnial a,  police station kawtah inhal a tum zui a ni. Mahse a bul hnaia awm police-te leh a party worker ṭhenkhat te chuan an dang hman a ni. Hemi hnu hian Taluk damdawi-inah dahluh nghal a ni a, a dinhmun pawh a ṭha niin an tarlang. 

MLA hian police-te chuan ṭul lo takah amah zuitute leh mipuite lakah thubuai an ziaklut niin a sawi a, hetihlai hian thuneihna hnuaia awm lo balu latute erawh an chhuah zalen leh si niin a sawi bawk.

MLA Gulihatti D Shekar leh police-te inkarah hian inhnialna a chhuak fo a, buaina neuh neuh an nei ve reng a ni. Hosadurga hi balu lakna hmunpui niin, helai hmunah hian dan loa balu la an awm ṭeuh nia sawi a ni bawk.