PM Modi-a’n NITI Aayog 11-na kaihruai

Prime minister Narendra Modi chuan nimin khan Rashtrapati Bhavan Cultural Centre, New Delhi-ah NITI Aayog Governing Council vawi 11-na ṭhutkhawm a kaihruai a, he hunah hian ram chhung hmasawnna hrang hrang leh hnathawh dante thlir ho a ni.

Kumina an ṭhutkhawm thupui chu “Inclusive Human Development for Viksit Bharat @2047” tih a ni. Kum 2047 thlenga India ram hmasawnna tluantling thlen chu thupui berah hmangin, mi tin tana khawsakna leh eizawnna ṭha siamsak dan turte sawi ho a ni. He hunah hian ram hmasawnna atana thil pawimawh thupui pali—foundational human capital and future-ready skills; productive employment, entrepreneurship and decentralised growth; health, nutrition and wellbeing; leh equity and dignity for all tihte chu chipchiar taka sawi ho a ni.

Meeting-ah hian ram chhung hmasawnna tura thawh hona ṭhain awmzia a neih zia PM Modi chuan sawiin, “State leh Centre kan ṭanrual hian ‘Team India’ kan ni a, hei hian ram hmasawnna a thlen chak dawn a ni,” a ti. Thawh hona ṭha hmanga ram hmasawnna hna kalpui a nih chhoh zel tur thu a sawi bawk.

Ṭhutkhawmah hian union home minister Amit Shah leh defence minister Rajnath Singh-te bakah, state hrang hrang aṭangin Chief Minister-te leh Union Territory hrang hrang aṭangin Lieutenant Governor-te an tel.