Vinay Kwatra-an US tech hruaitute AI hmasawnna tur sawipui

United States (US)-a India Ambassador Vinay Mohan Kwatra chuan Thawhṭanni khan America-a technology lama hruaitu liante kawmin, 'Artificial Intelligence' (AI) leh 'Quantum technology' te thupuia hmangin an sawiho. In kawmnaah hian ram pahnih inkara investment tihlente, hmanraw lakluh leh inpek tawnna (supply chain) tihchakte leh technology thar lo chhuak mekte hman ṭangkai dan tur tam tak an sawi ho a ni.

India Envoy Vinay Kwatra hian Walmart President leh CEO Chris Nicholas chu hmuin, hmachhawp hrang hrang an thlir ho. Walmart hian India rama invest an lo neih tawhte leh hma lo lak belh an tum dante an sawiho a; chumi rual chuan supply chain nghet tak din chhoh zel dan tur an sawi tel bawk.

Chutiang bawkin, Special Competitive Studies Project (SCSP) President leh CEO Ylli Bajraktari pawh kawmin; Bajraktari hian New Delhi-a 'India-US Forum' neih tur a rawn hman hma lawkin he inkawmna hi neih a ni a, hmasawnna thar 'Physical AI' leh India-US tech cooperation tihlen dan tur te an thlir ho a ni.