India leh Indonesia-in inremna thar siam dawn

Indonesia foreign minister Sugiono chu nimin Pathianni khan New Delhi a lo thleng a, external affairs minister (EAM) S. Jaishankar nen '8th India-Indonesia Joint Commission Meeting (JCM)' an kaihruai dun dawn a ni.

Meeting-ah hian ram pahnihte inlaichinna thuk zawk 'Comprehensive Strategic Partnership' kalpui chhunzawm dan tur an rel dawn a; hei bakah tharum thawhna leh firfiakte beih lêtna (counter-terrorism), sumdawnna leh bial chhung muanna atana thawh dunna zau zawk neih dan tur te an sawi ho ang.

Kumin January thlaa Indonesia president Prabowo Subianto-a'n India rama 'Republic Day' hmanpuia a rawn tlawh ṭuma inremna an lo siam tawhte bawhzuina pawimawh tak a ni. Ram pahnih thawh dunna chhunzawmna tur hian foreign minister Sugiono hian hruaitu pawimawh tak tak a rawn hruai tel a ni.

India leh Indonesia hi South Asia leh Southeast Asia-a democracy ram innghahna ban lian ber pahnih an ni a, kum 2018 aṭang khan an thawh dunna hi kalpui ṭan a ni tawh a, kumin hian kum li hnuah Joint Commission Meeting hi an ṭhutkhawm leh hmasak berna tur a ni ang.