Varanasi-ah 'BRICS Culture Working Group' ṭhutkhawm nei dawn

Khawvela huap pawha khawpui upa berte zinga mi leh prime minister Narendra Modi-a bial ni bawk, Varanasi (Kashi) chuan nimin leh vawiin Zirtawpni hian ram hrang hrang aiawhte telna, '2nd BRICS Culture Working Group (CWG) Meeting' an thleng. Ni hnih chhung ṭhutkhawmah hian ram hrang hrang aiawh mithiamte leh diplomat-te an tel dawn a ni.

Kumina India chairmanship-na hnuaia BRICS thupui chu "Building for Resilience, Innovation, Cooperation and Sustainability" tih a ni. He ṭhutkhawmnaah hian 'Creative Economy and AI', 'Sakhaw hmun hlui leh thil hlui vawn him', leh 'Nunphung leh khawvel sik leh sa lum chho zel' chungchangte thupuiah neih a ni ang.

He huna tel tur hian Brazil, China, Egypt, Ethiopia, Indonesia, Iran, Russia, Saudi Arabia, South Africa leh UAE aiawhte an lo thleng tawh bawk. Hun hman chhung hian Varanasi hmasang thil siam chhuah hrang hrang (GI-tagged & ODOP products) pholanna 'Exhibition' bik siam a ni dawn a, hei hian tualchhung kuthnathawktute kutchhuak mawi tak takte khawvel hmaa pho chhuahna hun ṭha a siamsak dawn a ni.