Odisha-ah ram 11 telna BRICS intawhkhawm neih a ni dawn

Odisha-a Puri khawpuiah June 3 - 5 chhung hian BRICS 'Disaster Risk Reduction' (DRR) Working Group hmalaknain meeting pawimawh tak neih a ni dawn, he hunah hian ram 11 aṭangin palai hrang hrang an tel dawn a ni. Odisha hi chhiatrupna thlen thulha hma lakah leh thlipui laka inbuatsaihna kawnga an hlawhtlinna hriatpui an nih vanga he meeting thleng tura thlan an ni.

Revenue and Disaster Management Minister Suresh Pujari chuan Thawhṭanni khan thuchhuah siamin, he inkhawmpuiah hian Brazil, Russia, India, China, South Africa, Saudi Arabia, Egypt, United Arab Emirates, Ethiopia, Iran leh Indonesia ram aiawhte an tel dawn tih a tarlang. June 4-a hman tur inkhawm hawnna hun hi Odisha chief minister Mohan Charan Majhi chuan a hmanpui ang.

Meeting-ah hian chhiatrupna laka invenna tur atana sum hman dan te, rintlak leh nghet zawk a leiverh siam dante, thil thleng thut thei laka inbuatsaihna leh hmasang aṭanga hriatna lo neih tawhte hman ṭangkai dan tur te sawiho a ni ang. Kum 2026 chhunga India ramin BRICS Presidency a chelhna hnuaia a hmun ngeia palai kalkhawmna (in-person meeting) hmasa ber a ni bawk.