Ladakh-ah zu khapna thlah dulna dan thar pawm a ni

Union Territory thar Ladakh-ah zu zawrh phalna dan thar, 'New Excise Policy' chu Lieutenant Governor Vinai Kumar Saxena chuan a pawm. He dan thar hian tun hmaa zu zawrh dan lo hman tawh ṭhin, khauh leh khirh tak chu thlakin, zalen taka zawrh zu lei tur awm thei tura ruahmanna siam a ni.

Dan thar hnuaiah hian ram dang zu (Foreign Liquor) leh ram chhunga siam ram dang zu (IMFL) te chu dawr pangngaiah phalsak a ni. Tun hma chuan dawr pahnih chauh zu zawrhna a awm ṭhin a, tunah chuan a let sawm zeta tihpun niin dawr 20 a tling tawh dawn a ni. Heng zu zawrhna dawr thar te hi e-auction neih thlap hnuah chauh hawn phal a ni ang.

Policy thlak danglamna hi tualchhung pawl hrang hrang, tlawmngai pawl leh sakhaw hruaitute nena inrawnkhawm hnuah siam a ni. Ladakh-ah hian zu hmuh tur a tlem ṭhin avangin khualzinte'n pawn lam aṭangin zu an rawn keng lut thin a, UT chuan sum lak luhna lian tak a hloh phah thin a ni. Chutih rualin, ruihnlo hlauhawm zawk leh ruihlo dang laka ṭhalaite an fihlim nan leh zu ṭha tak hmuh tur a awm theih nan he dan thar hian kawng a sial dawn nia sawi a ni.

Sorkar chuan zu chhiah lak dan pawh tihniamin tlawm taka hman theih turin a ruahman a, IMFL brand zawng zawngah 'uniform excise duty' Rs 500 per LPL a hman chhunzawm dawn a ni. Chu bakah, hriselna leh hmunhma vawn thianghlim nan plastic hman loh dan ruahman a ni a, glass bottle leh tin can-ah chauh zu hi zawrh phal a ni ang.