'Cockroach Janta Party' founder chenna in venhimna pek a ni

Social media-a tun hnaia lar thar, mi dang tihelna lam tarlanna, ‘Cockroach Janta Party’ (CJP) dintu Abhijeet Dipke chenna in chu mipui chimbuai lohna turin Pathianni liam ta khan police-ten venhimna khauh tak an pe. Maharashtra-a Chhatrapati Sambhajinagar district chhunga MIDC Waluj area-a an chhungkaw chenna inah venhimna hi pek a ni.

District thuneitute chuan, he digital political movement hian social media lamah mipui ngaihven a hlawh chhoh avangin an chenna hmun vela mipui an pungkhawm luai luai tur vênna atana police hi tirh an ni tih an sawi. Deputy Commissioner of Police Pankaj Atulkar chuan, he venhimna hi rinhlelh thil emaw, an chhungkuain vaukhanna an dawn vanga pek ni loin, boruak muanawm tak a awm theihnan leh hmun hma a chep lutuk loh nan chauha dah an nih thu a sawi.

CJP hi kar liam ta lawka din a ni a, zirlai leh ṭhalaite buaipui hrang hrang - unemployment, exam question paper leak leh zirna lama dik lo awmte tarlangin meme leh video hmangin an tlangau ṭhin a ni. An thupui thlante hian tualchhungah ngaihven a hlawh chho hle a; a bikin ṭhalai lamin an buaipui zual a ni. Mahse, he mi hnu hian an social media account hrang hrangte chu sorkar lam aṭanga rinhlelhna leh block sak nia sawi a awm zui bawk.