India-Canada FTA tihhmasawnna turin Canada-ah Goyal zin dawn

Union commerce and industry minister Piyush Goyal chuan May 25-27 chhung hian Canada ram a tlawh dawn. A zin chhung hian ram pahnih inkar insumdawn tawnna leh inpawhna tiphuisuitu tura ‘Free Trade Agreement’ (FTA) tihhmasawnna tur sawi ho bakah, ram chhunga hmasawnna thlen thei tura investment tihpun a nih theih dante a ngaihtuah ang.

Minister hian India rama sumdawng liante a hruai dawn a, business delegation mi 150 chuang an tel dawn a ni. Canada a thlen hunah hian prime minister Mark Carney leh a minister Maninder Sidhu te nen inbiakna an nei ang. Hei bakah hian Canada-a investor lian ber pawl ‘Maple 8’ pension funds aiawhte nen thil pawimawh tam tak an sawi ho dawn bawk.

He intlawhna hian India leh Canada inkar Comprehensive Economic Partnership Agreement (CEPA) thutlukna siam chhoh mek pawh a tihchak phah tura ngaih a ni. Tun dinhmunah India ramah Canada company 600 bawr vel an awmmek a, heng hi 1,000-a tihpun an tum a ni. Ram pahnihte hian kum nga lo awm tur chhungin an inkar sumdawnna hi USD tluklehdingawn 50 a tihpun an tum a ni.