Western Railway-in an rama dan loa in sakte tichhia

Western Railway (WR) chuan an ram china dan loa in sate tichhe tura Bombay high Court-in thupek a lo tihchhuah tawh bawhzuiin, Thawhlehni aṭang khan ni nga awh tur an ram chin thenfai beihpui an thlak.

Railway ram chhungah hian phalna nei loin structure 400 vel sak a ni a, hei hian ram square meter 5,200 vel a awh a ni. Heng structure tihchhiat hna hi security force-te venpuina hnuaiah kalpui a ni. In satuten nasa taka an dodal avangin, in ṭhiah hna thawhnaah hian Railway Protection Force, Government Railway Police bakah state police 1,000 chuang an duty a ni.

WR thupuangtu chuan an rama dan loa awmte chhuah tirna tur hi tun hnaia kalpui chauh ni loin, kum 2017 aṭanga buaipui ṭan tawh a nih thu a sawi. An ram thenfai chu Santacruz leh Mumbai Central inkara railway line pangana leh parukna zauhna atan hman a ni dawn tih a sawi.

Kum 2017 khan thuneitute chuan railway ram chhunga awmte hi chhuah tir an lo tum tawh a, mahse, heng hmuna chengte hian an lo dodal leh chhuah duh loh vangin Bombay High Court beng a thleng ta a ni. Kumin April 29 khan court chuan dan loa in sakte chu tichhe tur leh, railway ram chhunga chengte chu chhuah tir turin thupek a tichchuak a ni. High Court thupek hi Supreme Court pawhin a pawmpui tih Western Railway thupuangtu chuan a sawi. Hemi rual hian danin a phalsak anga in sak 100 awmte chu tihchhiat a ni dawn lo tih a sawi nghal bawk.