India leh Algeria-ten defence commission meet nei

India leh Algeria chuan Thawhlehni khan New Delhi-ah rualkhai taka venhimna lama hma lak dunna turin 'Joint Commission' thutkhawm hmasa ber an nei a, he hunah hian ram pahnihte venhimna kawnga an thawh dun dan tur kaihhruaina "Rules of Procedure" thuthlung an ziak nghal.

Ṭhutkhawmah hian India aiawhin Joint Secretary (International Cooperation) Amitabh Prasad leh Algeria aiawhin an Chief of Staff of the Naval Forces, Major General Kaid Nour Eddine-te an tel. Ministry of Defence tarlan danin, ram pahnihte hian MoU kum 2024-a an lo ziah tawh hlen chhuah nan he Joint Commission hi an din a ni.

Sipai training-na kawngte, joint military exercise neih dante, damdawi lam leh ralthuam siam chhuahna kawnga thawh dynb dante chipchiar taka sawi ho a ni. He thuthlung thar hian hmanraw lei leh hralh chauh ni lo, thiamna inhlanchhawn leh inbiakpawhna kawngah nasa takin hma a sawn tir beisei a ni bawk.