Sarv Shakti lawng lianin Strait of Hormuz paltlang

West Asia buaina avanga kar tam tak Persian Gulf-a tangkhang, India-in a hman hawh LPG tanker 'Sarv Shakti' chuan nimin khan him takin Strait of Hormuz a paltlang. He tui kawng hi energy phurtu lawngte tana paltlang harsa leh hlauhawm ber pakhat nin, India lawngin him taka a paltlang thei hi energy mamawh phuhrukna tur atana chanchin lawmawm tak a tling.

He tanker, Marshall Islands-flagged VLGC (Very Large Gas Carrier) hian LPG tonne 45,000 phurin, a thawktute pawh India mi vek an ni. Marine traffic data-in a tarlan danin, Sarv Shakti hian he tui kawng hlauhawm tak a paltlang lai hian 'India/Indian crew' tih chu a AIS (Automatic Identification System) hmangin a tarlang.

Sarv Shakti-in Hormuz Strait a paltlang thei hi ram hrang hrangte tan thil chhinchhiah tlak tak a ni a; a chhan chu kumin April 13 khan U.S. chuan he tuikawng hi a lo dang tawh a, chumi hnua India lawngin a paltlang hmasakna ber a ni. Lawng hi Iran tuipui kam hrulah kal in, hei thla kaltaa Iran sorkarin lawng kalna atana him a tihchin huam chhung a ni.

He lawng hi February 28-a West Asia buaina a chhuah tirh khan India sorkarin hmanhmawh taka lak chhuah tura a lo ruahman tawh a ni a, thla hnih zet a tan hnuah him takin a rawn chhuak thei ta a ni. Tunah hian Sarv Shakti hi Gulf of Oman lam panin a kal mek a, thawktu mi 20 chuangte pawh an him vek tih hriat a ni bawk.