Heat wave avangin chiai a ngai lo : Jitendra Singh

Union minister Jitendra Singh chuan Inrinni khan thuchhuah siamin, kumin May thla chhunga ram chhung hmun hrang hranga khaw lum nasa zual (heatwave) lo thleng tur chungchangah mipuite chiai a ngai lo tih a sawi. Sorkar laipui chuan he dinhmun hmachhawn tur hian inpuahchahna ṭha tawk tak a nei tih a sawi bawk.

Minister chuan thuthar lakhawmtute kawmin, khua a lum vanga harsatna thleng thei hrang hrangte chu weather forecast hmang leh, nitina fimkhur tura hriattirna chhuahte zawm ṭhinna hmangin a pumpelh theih tih a tarlang. Ram chhung hmun ṭhenkhatah khua a lum zual viau dawn niin lang mah se, hei hi ram pum huapa thil thleng a nih loh thu leh, India Meteorological Department (IMD) thurawnte zawm a pawimawh thu a tarlang.

Khawlum hmachhawn turin state leh district level-ah thawh hona ṭha tak neih a ngai tih sawiin, Singh chuan tui in tur thianghlim chhawp chhuah te, cooling arrangement hna thawk thei tura siam leh, power supply tihbuai loh te chu ngaihpawimawh tur zingah a tel tih a sawi. Khawlum lo thleng turah hian naupang, kum upa leh pawn lama hna thawk ṭhinte chu uluk zawka vil an ngai thu a sawi bawk.