PM Modi-an UAE leh Europe tlawh dawn

West Asia lama geopolitics boruak danglam chho leh khawvel hmun hrang hranga energy dinhmun inthlak danglam zel karah, prime minister Narendra Modi chuan May thla laihawl hian United Arab Emirates (UAE) a tlawh dawn.

Tun hnaiah India leh UAE hruaitute hi an indawr fo a, April thlaah national security adviser Ajit Doval leh external affairs minister S. Jaishankar te chuan UAE hi tlawhin, ram pahnihte thawh dunna leh security chungchang an lo sawipui tawh bawk. Nilaini khan Iran foreign minister Seyed Abbas Araghchi chuan foreign minister S. Jaishankar biain West Asia-a buaina thleng mek te an sawidun.

UAE hi India tana sumdawnna kawnga a thawhpui lian ber ram pathumna a ni a, kum 2024-25 chhung khan India-in bungrua a thawn luh chu USD tld 36.6 chuang hu a tling. West Asia buaina thleng leh, Strait of Hormuz kaltlanga energy lak luh kawnga harsatna awm mekah UAE hi India tan harsatna thleng zel thei venna tura a innghahna pawimawh tak a ni thei dawn a ni. Ram pahnihte hian kum 2032 thlengin an sumdawnna hi USD tld 200 a tihlen an tum a, hetah hian petroleum thil chauh ni lo, rangkachak, chemicals, leh thil dang tam tak a tel dawn a ni.

PM Modi hian UAE a tlawh zawh hian Europe ram pawimawh pali tlawh turin a thlawk chhuak leh nghal dawn a ni.