J&K CM hlui fanu lakah FIR ziak lut

Jammu and Kashmir police-te chuan chief minister hlui, Mehbooba Mufti-i fanu, People's Democratic Party (PDP) hruaittu Iltija Mufti chu India aṭanga inlakhran duhtu, Hurriyat Conference chairman Syed ali Geelani video a post avangin a lakah FIR an ziak lut.

Srinagar-a Cyber police station-ah FIR hi Bharatiya Nyaya Sanhita (BNS) section hnuaiah ziah luh a ni. Digital leh social media platform-ah inlakhran duhtute thuthlung chawi lar a, thu dik tawk lo thehdarh chu India ram muanna leh inrelbawlna do letna a ni tiin hei vanghian police-te chuan FIR hi an ziak lut tih an tarlang.

Iltija hian chief minister Omar Abdullah kahhruai sorkarin Jammu and Kasmir official language aṭanga Urdu a paih avang leh, revenue service tana draft recruitment rules a siamṭhat avangin lungawi lohna a lo lantir tawh bawk. Thawhlehni leh Nilaini khan press conference neiin, Abullah kaihhruai sorkar chu na takin a bei a ni. Nilaini khan Gelani video hi a X account-ah a post zui a, he video-a Geelani-aṭ'n Urdu pawimawh zia a sawi chu en a ṭul thute a sawi bawk. Geelandi hian nu leh pate chu an fate Urdu zirtir ngei turin a chah a, English-medium school-a kalte pawh in lamah Urdu chu zirtir turin a ti a ni. FIR ziah luh chungchangah hian Iltija leh an party chuan sawi engmah an la nei lo. Cyber police-te chuan Geelani video thehdarhtu mi dang lakah FIR an ziak luh bawk a ni.

Iltija hi kum 2024 assembly inthlanah khan an party bial hima ngaih, Bijbehara bialah a ding a, mahse Nation Congress (NC) candidate, Basheer Veeri a hneh zo lo a ni.