Justice (Retd) Anupinder Singh Grewal NCLT President thar atan ruat

Punjab leh Haryana High Court Judge hlui, Justice (Retd) Anupinder Singh Grewal chu National Company Law Tribunal (NCLT) President thar atan ruat a ni. He hna hi kum nga chhung emaw, kum 67 a tlin thleng emaw a chelh dawn a ni. Cabinet-a Appointments Committee chuan Thawhlehni khan a hna tur chelh tura ruatna hi a pawm a ni.

Justice Grewal hian Justice (Retd) Ramalingam Sudhakar a thlak dawn a, Sudhakar hi kum 2021 November thla aṭang khan NCLT President hna hi a chelh ṭan a, kumin tir lam khan a lo chawl tawh a ni.

Justice Grewal hi kum 1992 aṭanga ukil hna thawk ṭan a ni a, Punjab sorkar hnuaiah Assistant Advocate General leh Additional Advocate General hnat pawh a lo thawk tawh bawk. Kum 2014 khan High Court Judge ah ruat a ni a, Rajasthan leh Punjab & Haryana High Court-ah te judge hna hi rinawm takin a lo thawk tawh a ni.March thla khan Punjab leh Haryana High Court aṭangin a pension.

Judge hna a thawh chhung hian mipui vantlang tana thutlukna pawimawh tak tak a siam leh, hmeichhia leh naupangte dikna humhalh kawnga hma a laknate chuan ngaihven an hlawh ṭhin hle.