NSA Doval leh UAE President inkawm

India National Security Advisor (NSA) Ajit Doval chuan Pathianni khan United Arab Emirates (UAE) president Sheikh Mohamed bin Zayed Al Nahyan chu Abu Dhabi-ah a kawm. An inkawmnaah hian ram pahnih inlaichinna tihchak zel dan tur leh thil pawimawh hrang hrang an sawidun a ni.

India Embassy chuan NSA Doval hian prime minister Narendra Modi-a chibai bukna chu UAE hruaitute hnenah a hlan nghal tih a tarlang a; ram pahnihten 'Comprehensive Strategic Partnership' an vawn nun zel dan tur te, ramri huam chhunga thil thleng mek leh ram pahnih tana daih rei tur thawh dunna turte ngunthluk takin an sawi.

NSA Doval hi thla tir lam khan Saudi Arabia-ah a zin bawk a, Saudi foreign minister Faisal bin Farhan leh hruaitu pawimawh dangte a hmu. India hian Middle East ram Doval leh Sheik Mohamed-te thurel hian UAE leh India inkar sumdawnna mai bakah, himna leh zirna lam thlengin a nghawng dawn a ni. Regional security chungchanga India inhnamhnawihna pawh a san phah hle tura ngaih a ni.