Vawiinah Tamil Nadu leh West Bengal inthlang dawn

Tamil Nadu leh West Bengal assembly inthlan chu vawiin hian neih a ni dawn. Tamil Nadu-ah hian inthlan hi thawh khata neiin, vawiinah an zo fel nghal dawn a; West Bengal-ah erawh thawh hnihah neih a ni dawn thung. Vote tlate hi May 4-ah chhiarin result puan nghal a ni ang.

Tamil Nadu :

Tamil Nadu-ah hian assembly seat 234 a awm a,sorkarna siam turin seat 118 neih tlin a ngai dawn a ni. Tun ṭum inthlanah hian DMK kaihhruai ṭangrual pawl, AIADMK leh BJP thawk dun leh actor Vijay-a din, TMK party-te chu inbei na tura ngaih an ni.

Assembly seat 234-ah candidate 4,023 an awm a, vote nei mi vbc 5.67 an tling. Seat 44 chu Scheduled Caste tan leh, seat pahnih Scheduled Tribe tan dah a ni.

West Bengal :

Seat 294 awmna, West Bengal assembly inthlan hi thawh hniha neih tur niin, vawiinah inthlan thawh khatna hi assembly seat 152-ah neih a ni ang a, a bak seat 142-ah April 29-ah inthlan thawh hnihna neih a leh ni ang. Congress party chuan inthlan thawh khatna a zawh hnuah, a thawh hnihna atan Kolkata-a campaign nei turin Rahul Gandhi hi sawm leh an tum tih an sawi.

Inthlan thawh khatna, bial 152-ah neih tur hian district 16 a huam a, vote nei vcb 3.6 chuang awmin candidate 1,478 an awm a ni. Vote nei zingah hian vote nei thar, inthlana vote an thlak vawi khatna tur mi nuai 3.22 an awm tling. Vote thlaknna tur polling booth 44,378 siam a ni a, heng zinga booth 5,444 chu hmeichhe hlangin an buaipui dawn a ni. Polling booth tinah hian CCTV camera dah vek a ni bawk.