Vice President-in Sri Lanka a tlawh

Vice president C.P. Radhakrishnan chu nimin khan ni hnih cham turin Sri Lanka khawpui Colombo a thleng a, a cham chhung hian ram pahnih inkar inlaichinna siam ṭhat leh thawh dunna tihchak tum a ni. Vice-President hian official-a Sri Lanka-a a tlawhna hmasa ber a ni.

Vice President leh a zuitu mi 49 chu Colombo airport-ah Sri Lanka sports minister Sunil Kumara Gamage leh sorkar hotu dangten an lo hmuak a ni. A cham chhungin Sri Lanka president Anura Kumara Dissanayake leh prime minister Harini Amarasuriya-te a hmu dawn a, ram pahnih thawh dunna tur thuthlung pawimawhtak tak ziah beisei a ni. Km tam tak ram pahnihten inṭhianṭhat an lo nei tawh thuk zawka kalpui dan turte an sawi ho dawn a ni. Tualchhunga hmasawnna thlen dan tur bakah, tun hnaia cyclone Ditwah tleh vanga Sri Lanka rama chhiatna nasa thleng siamṭhatna tura India-in puihna a pek tur chungchang pawh sawi ho a ni dawn bawk.

Radhakhrishnan chuan Sri Lanka-a Tamil hruaitute a hmu dawn a, India sorkar ṭanpuina hmanga in sak ‘Indian Housing Project’ hnuaia in sak chu a hmunah tlawhin beneficiary-te hnenah a hlan nghal dawn bawk.