PM Modi-a'n Pachpadra Refinery a hawng dawn

Prime minister Narendra Modi chuan April 21 hian Rajasthan tana thil thar ṭangkai tak tur 'Pachpadra Refinery' a hawng dawn. He hmalakna hi Rs vbc. 80,000 senga din niin, Rajasthan tana ‘economic lifeline’ pawimawh tak a nih tur thu chief minister Bhajanlal Sharma chuan a sawi.

CM hian refinery hawn tur hian Marwar bial chauh ni lo, Rajasthan pumpui sum leh pai dinhmun siam ṭha thei tur khawpa innghahna tling a nih thu a tarlang. Nimin khan CM hian Delhi-ah PM Modi hmuin, he hun hman dan tur hi an rel.

Pachpadra Refinery hian state mipui 50,000 vel tan direct leh indirect-in hnathawh tur a siam dawn a, India rama petrochemical complex hmasa ber leh lian ber pawl niin, petrol leh gas lak luhna kawngah ram tan a hlu hle dawn a ni. Refinery panna kawngpui hrang hrang pawh hawn hmain siamṭhat hna thawh mek a ni bawk.