West Bengal-ah SIR hmangin voter nuai 90 chuang paih

Election Commisision of India (ECI) in West Bengal-a electoral roll ennawn, Special Intensive Revision (SIR) a kalpuinaah voter list aṭangin mi nuai 90.8 paih an ni. Hei SIR kalpui tawhna state zingah voter paih tam berna dawttu niin, Tamil Nadu-ah list aṭangin voter 97 paih a lo ni tawh bawk. Heng state pahnihte hi tun thlaa assembly inthlan neihna tur ve ve an ni.

West Bengal-a rorellai, Trinamool Congress bakah BJP ni lo party dangte chuan SIR kalpui a nih dan chu nasa takin an lo sawisel tawh a ni. Inthlan lo awm tura chief minister Mamata Banerjee party hneh a nih theihna atan ECI leh BJP chu thawk dunah an puh. Mahse, poll panel chuan voter ennawn chu tihdan phung pangngai leh, dik lo taka voter list-a dah leh thi leh pem tawhte enfiahna atana kalpui ṭhin a nih thu a sawi thung.

Voter list aṭanga paih tamna berte chu Muslim tamna district pali - Murshidabad, Malda, North 24 Parganas leh South 24 Parganas (36 per cent) ten an ni a, heng district aṭang hian mi nuai 12.2 paih an ni. Kum 2021 assembly inthlanah khan heng district paliah hian Trinamool Congress an che ṭha hle a, Murshidabad district-a seat 22 awm aṭangin seat 22 an la a, Malda-ah seat 12 zinga seat pariat, NOrth leh South 24 Parganas-ah seat 64 aṭangin sat 57 an la bawk.

SIR hmanga voter nuai 91 dawn paih an nih tak avangin West Bengal-a vote nei zat chu 12% dawnin a tlahniam a, nikum October thlaa vote nei mi vbc 7.66 awm chu vbc 6.75 ah a tla thla a ni. Kum 2021 inthlanah khan vote neimi vbc 7.34 an awm a ni.

Voter list aṭanga paih zinga mi nuai 27 chuang chuan dik lo taka peih an ni tiin petition an theh lut. Heng petition lutte hi tribunal 19 in an ngaihtuah dawn a, ngaihtuah fel a nih chuan vote an thlak thei dawn lo a ni. Hei vang hian tun thlaa assembly inthlan neih turah chuan vote an thlak theih a rinawm loh a ni.