PM Modi-a'n Noida International Aiport hawng dawn

Prime minister Narendra Modi chuan naktuk, March 28 hian Noida International Aiport sak thar a hawng dawn a, terminal building te a fang kual dawn bawk a ni.

Noida Airport hi Delhi-NCR huam chhunga international aiport pahnihna a ni dawn a, India global aviation hmunpui a nihna tur atana mellung pawimawh tak a ni thei dawn bawk niin official thuchhuah siamah an tarlang. Airport runway hi metre 3,900 a thui niin navigation systems tunlai ber ber hmanga thuam, eng sik leh sa pawh dawl zo tura duan a ni.

Noida International Airport hi India-a greenfield airport project lian ber niin, phase-I atan ringawt pawh Rs vbc 11,200 chu Public-Private Partnership(PPP) model hnuaiah kalpui a nih thu PMO chuan an tarlang. Airport hi kum khat chhungin khualzin maktaduai 12(MPPA) dawngsawng thei tura beisei niin, khualzin maktaduai 70 (MPPA) thleng pawh dawl zo tura beisei a ni bawk.