EAM-in G7 meeting chhim turin France pan; West Asia buaina sawi ho dawn

External affairs minister (EAM) S. Jaishankar chu nimin khan G7 Foreign Ministers’ meeting a tel turin France a thleng. Meeting-ah hian West Asia-a indona thleng mek leh tuipui lama sumdawnna kawng (maritime routes) hawn leh a nih theih dan tur chu thupui pawimawh atana hman a ni ang.

India hi G7 member ni lo mah se, tuna he group-a chair ni mek France ‘partner’ ram a nih angin sawm tel a ni. India bakah hian South Korea, Brazil leh Saudi Arabia-te pawh sawm an ni bawk. Meeting-ah hian khawvela ram economy lian ber ber pasarih - USA, Canada, Germany, Italy, France, Japan leh UK-te an tel dawn a ni.

Abbaye des-Vaux-de-Cernay-a meeting neih turah hian West Asia-a buaina tihtawp dan tur leh, Iran-in Hormuz Strait a dan chah avanga khawvel hmun hrang hranga oil leh gas man sang chho zel chungchang chu uluk taka sawi ho a ni dawn a, harsatna thleng mek chinfel theih dan turte an ngaihtuah dawn bawk.

Minister hian meeting neih chhung hian ram hrang hrang foreign minister-te chu inbiakna a neihpui nghal dawn a ni.