Eptu pawl leh activist te'n Transgender Persons (Protection of Rights) Amendment Bill dodal

Parliament budget session neih meka bill pharh tak, Transgender Persons (Protection of Rights) Amendment Bill, 2026 chu Pathiannia public hearing neihah transgender community member leh eptu party aṭanga politician-te chuan duh lohna lantirin, he bill hi hnuk kir leh turin an ngen. Bill pharh hi sorkar laipui aṭanga transgender-te hnena scheme hmanga fund pek ṭhin hman dik lohna venna atana tih a ni.

Activist leh politician, bill hnuk kir tura duhtu zingah hian Rajya Sabha member Renuka Chowdhury, Manoj Kumar leh John Brittas-te telin, anni bakah hian Rachnatmak Congress chairperson Sandeep Dikshit chuan bill hian transgender community huang telte zingah a ṭha lo zawngin nghawng a neih theih tur thu a sawi. Manoj Kumar Jha, RS MP pawhin bill hian danpui leh duhtu tam zawk ngaihpawimawh a kalh thu sawiin, hmalakna mumal tak siama dodalna neih chu thil ṭul a nih thu a sawi lang bawk.

Pungkhawmte chuan transgender certificate neih theihna tura medical board hriatpuina ngai tel chu hlip turin an phut a, hei bakah transgender-te misual anga maia tarlante chu an duh loh tih an tarlang bawk. Advocate G Kiran pawhin transgender certificate nei tura medical board awm tel chu thil ṭul a nih loh thu a sawi. Pungkhawmte hian au rualin, Lok Sabha-a bill put luh chu mihring puite zah lohna a nih thute an tarlang a ni.

Transgender activist Surya Raj Yadav chuan gender identity tichiang tura medical boards hmaa tihchian kher ngai chu mimal dikna, chanvo, leh an nihna inchhalna zah lohna a nih thu a sawi a ni.