FDC damdawi 90 phalna nei loa siam hmuh chhuah a ni

India rama damdawi thununna lama thuneitu sang, Drug Controller General of India (DCGI) chuan ram chhung hmun hrang hranga damdawi siam chhuah leh zawrh mek, Fixed Dose Combination (FDC) 90 chu phalna nei loa siam a ni tih a hmuchhuak. He thil avang hian state leh Union Territories sorkar hrang hrangte chu hma la vat tur leh a ṭul anga hremna pe turin a hriattir nghal.