Lok Sabha-a eptu MP 8 suspend-na hlihsak

Lok Sabha-a eptu party MP pariat, February 3-a house chhunga an chet dan mawi lo tak avanga suspend-te chu nimin khan hrem an nihna house speaker Om Birla chuan a hlisak. MP pariatte hremna a hlihsak rual hian Birla chuan parliament complex huam chhunga placard, poster, thlalak emaw AI emaw hmanga thlalak siamte tarlan chu ching tawh lo turin a chah zui bawk.

Congress member K Suresh chuan MP-te hremna hlip tur hian house-ah a lo ngen tawh a, a ngensak ṭum hian MP pariatte house chhunga chet dan chu thil mawi lo tak a nih thu sawiin, a member puite chuan ralmuang taka house inrelbawl dan zawma thawh hona neih an inpeih tawh niin a tarlang.

Ngennate thehluh a nih hnu leh eptu pawl hrang hrangin hremnate hlip tura ngenna an thlen hnu hian, parliamentary affairs minister Kiren RIjiju chuan house chhunga muanawm taka hna thawh a nih theihna turin dan khauh tak leh zawm tur mumal 'Laxman Rekha' siam a ṭul tih a tarlang a, he rawtna hi treasury leh opposition bench lam hian an lo pawm tawh bawk.

Suresh chuan Thawhṭannia session ṭhutkhawm neih ṭan a nih aṭangin, eptu party member-te chuan house chhungah placard emaw banner emaw tarlante chu an neih loh thu a sawi a, hei hi house rorelna muanawm taka kalpui tura an inpeih zia tilangtu a ni, a ti.