ECI-in Kerala-ah official siksawina thupek tichhuak ve leh

Election Commission of India chuan nimin khan assembly inthlan hmabak, Kerala-a senior official hrang hrangte siksawina tur thupek a tichhuak ve leh. Official siksawi hi inthlan lo awm tur inpuahchahna ṭha neihna tur atana ruahman niin, siksawi zingah hian IAS leh IPS officer eng emaw zat an tel. Kerala assembly inthlan hi April 9-ah neih a ni ang.

Kerala-a sorkar senior official siksawi hi ECI-in a kalpui vawi khatna a ni lo a, inthlan hmabak ve tho West Bengal state-a chief secretary leh police hotute chu Thawhṭanni khan a lo thlak kual tawh bawk.

Election Commission chuan officer siksawina tur hian chief secretary hnenah lehkha a pe fel tawh a, state sorkar pawhin posting siamte chu a rang thei ang bera hman a nih tur thu an tarlang tawh bawk. ECI chuan an thupek tihchhuah bawhzuia post thar pek te'n hna an zawm leh zawm loh chungchang chu March 18 chawhma dar 11 a theh lut turin a hriattir nghal a ni.