RS inthlanah chuhtu awm loin 26 tling

State pasariha Rajya Sabha member thlanna neihah candidate zinga 26 chu chuhtu dang an awm loh vangin an tling. Hetih laiin Bihar, Odisha leh Haryana-a seat 11-ah erawh chuhtu an ṭhahnem hle thung.

Rajya Sabha seat ruak hi state 10 aṭangin 37 awm a, nimin khan inthlanna hi neih a ni a, vote tla hi tlai dar 5-ah chhiar ṭan a ni. Chuhtu dang an awm loh avanga candidate tling nghal zingah hian NCP leader Sharad Pawar, union minister Ramdas Athawale, Abhishek Manu Singhvi, Thambi Durai, Vinod Tawde, leh Babul Supriyo-te pawh an tel.

Vote thlak ngai loa candidate tling nghalnate hi - Maharashtra (7), Tamil Nadu (6), West Bengal (5), Assam (3), Chattisgarh (2), Himachal Pradesh (1) leh Telangana (2) te an ni.