ECI-in state 4 leh UT 1- a inthlan neih hun tur puang

Election Commission of India chuan Pathianni khan state palia assembly inthlan neih hun tur a puang. Puducherry Union Territory leh state pahnih - Kerala leh Assam-ah April 9-ah inthlan neih a ni ang a, Tami Nadu leh West Bengal-ah April 23-ah inthlan neih a ni thung ang.

West Bengal tih loh state/UT dangah inthlan hi thawh khata zawh a ni vek dawn a, West Bengal-ah erawh thawh hniha neih tur niin April 23 leh 29 ah vote thlak a ni ang. Vote tlate hi May 4-ah vek chhiar tur a ni dawn a ni.

Chief Eletion Commisioner(CEC) Gyanesh Kumar chuan inthlan neihna tur, state pali leh UT pakhatah hian assembly constituency 824 awmin, voter vbc 17.4 bawrin vote an thlak theih tur thu leh inthlan kaihhnawih buaipui tur nuai 25 chu polling station nuai 2.19-ah tirhchhuah an ni dawn tih a tarlang nghal bawk.

West Bengal-ah hian seat 294 awmin sorkar lai term hi May 7-ah a tawp dawn a; Tamil Nadu-ah hian seat 234 awmin May 10-ah term a tawp dawn bawk. Kerala-ah hian seat 140 a awm a, May 23-ah term a tawp dawn a, Puducherry erawh June 15-ah term hi a tawp chauh dawn a, assembly seat 30 a awm. West Bengal inthlan thawh khatna hi constituency 152-ah neiin a thawh hnihna hi constituency 142-ah neih a ni thung ang.