Police tihchangtlunna atan Rs vbc 592 pe chhuak tawh

Parliament budget session neih mekah minister of state for home affairs Nityanand Rai chuan Lok Sabha-a zawhna ziaka a channaah, ram chhungah police-te tihhmasawna tihchangtlunna turin sorkar laipui chuan kum nga chhungin Rs. vbc 592 chuang a pe chhuak tawh tih a tarlang. Sum pek hi “Assistance to States and Union Territories for Modernisation of Police (ASUMP)” scheme hnuai aṭanga pek a nih thu a tarlang tel bawk.

ASUMP kaltlanga sum pek chhuah hi ram chhunga state leh UT-a police hna thawh hrang hrang - advance communication system, cyber forensic tools leh integrated command centres tihchangtlunna atana hman tura ruahman a ni. Fund kaltlang hian police station hrang hrangte pawh a ṭul anga tihchangtlun a nih thu minister hian a tarlang. Police inbiak pawhna hmanrua, ralthuam, digital forensic kit, leh cyber forensic hmanrua-te tihchangtlun nan hman a ni bawk a ni.

Scheme hnuaia budget ruahman zat hi kum 2021-22 leh 2022-23 khan Rs. vbc 620-ah bithliah niin indaih lohna a nasat avangin kum 2024-25 atan Rs. vbc 117.15-in tihsan a ni. Tun financial year kum 2025-26 atana sum ruahman tawh Rs vbc 540 aṭangin February 24 thleng khan Rs. vbc 227.43 chu pek chhuah fel a nih tawh thu minister chuan a tarlang.

Sorkar laipui chuan state leh UT -te'n police thuam ṭhatna atana an hmalakna chu ASUMP scheme hmang hian puih a ni a, an mamawhna ang zela puihna pek a nih thu Rai chuan a sawi lang bawk.