'VB-G RAM G Act' logo insiam siakna sorkarin huaihawt

Rural Development Ministry chuan rural employment scheme siam thar, Viksit Bharat-Guarantee for Rozgar and Ajeevika Mission (Gramin) Act (VB-G RAM G) atana hman tur logo insiamsiakna a buatsaih. Inelna hi sorkar leh mipuite hman theih MyGov platform-ah live-a pek chhuah a nih thu ministry chuan X kaltlangin a tarlang.

Sorkar chuan mipuite chu an thiamna pholang a, thingtlang hmasawnna leh hnathawh tur tam tak thlensak tur atana an duante chu theh lut turin a ngen. Logo theh luh theih hun hnuhnung ber chu March 20 niin, pakhatna hian lawmman Rs 50,000 an dawng thei dawn a ni. Ministry-in logo duan chu India hmasawnna hmathlir tilang thei an duh thu an tarlang a, pakhatna dawngtu chu official-a he Act chawilarna tur leh a kaihhnawih programme atana hman a ni dawn bawk.

Ministry chuan programme duanah vantlang mipui tel tam theihna chawilar chu a tum ber a nih thu tarlangin, sorkar tana ban pawimawh leh thingtlang hmasawnna atana remruat thiamna ṭha tak, kum 2047 a ram intodelh nih theihna kawng pawimawh a nih thu an tarlang.

Viksit Bharat — Guarantee for Rozgar and Ajeevika Mission (Gramin) Act, 2025 hian Mahatma Gandhi National Rural Employment Guarantee Act, 2005 thlakin hlawh zat leh hnathawh hun chhungte tihdanglam vek a ni.