Chhattisgarh BJP hruaitu opium chin avangin man

Chhattisgarh-a Durg district huam chhung, Samoda thingtlang khuaa BJP Kisan Morcha hruaitu Vinayak Tamrakar chu a farm-ah opium siamna, poppy a ching tih hriatchhuah a nih hnuah man a ni. Chhatisgarh police-a Narcotics Control Bureau (NCB) leh Revenue Department ṭangkawpin beihpui an thlaknaah Tamrakar hi man chhuah a ni ta a ni.

Tamrakar-a'n poppy a chinna hmun hi acre 5-a zau niin vaimin karah poppy hi a ching tel a, a poppy chin hlut zawng hi Rs vbc 8 hu a tling pha. Police-te chuan hemi kaihhnawihah hian mi pathum man bawkin, NDPS (Narcotic Drugs and Psychotropic Substances) Act tlawh chhanin thubuai an ziak lut.

Poppy chinna hmun hi vantlang leh tualchhung thuneitute hriat lohin uluk taka venna hnuaiah kalpui a ni tih chhuichianna aṭangin hriat a ni. Digital survey aṭanga an lo chhinchhiah dan chuan poppy chinnate chu wheat leh vaimin chinna tur atan tih a ni a, hei hi ruihhlo chin leh chin loh hriat harsatna tur atana ruahman a ni tih official chuan an tarlang.