PM Modi-a'n India-a 'Ring Metro' hmasa ber hawng

Prime minister Narendra Modi chuan nimin khan Delhi Metro kawng zauh thar 'Pink Line' bakah ram chhunga a hmasa ber turin 'Ring Metro' a hawng. Rel kawng zauh hi km 71.56 a thui niin, India-a Ring Metro hman theih hmasa ber a ni nghal bawk. PM Modi chuan nimin vek khan Delhi Metro kawng thar pathum siamna tur lungphum a phum bawk a ni.

Rel kawng thar Majlis Park-Maujpur-Babarpur corridor hian station pariat a tan tlang dawn a, Majlis Park-Maujpur-Babarpur bakah hian kawng hman tawhna sa Majlis Park-Shiv Vihar Pink Line zawmtute a paltlang dawn bawk. Hawnna inkhawmah hian PM Modi chuan Delhi hmasawnna chu BJP sorkarna hnuaiah chuan a thlen zung zung tih sawiin, India khawpui ber chuan an rorelna hnuaiah chak taka hma a sawn zel tur thute a tarlang.

Majlis Park - Maujur Babarpur tan tlang rel kawng hian Delhi hmarlam leh hmarchhak tan inkalpawhna chak zawk a thlen thei dawn a ni. Kawng thar hawn Pink Line hian station pakua a paltlang bawk. Rel kawng zauhna tur lungphum phum hi km 9.913 a thui niin heng station Shivaji Stadium, Central Secretariat, India Gate, War Memorial-High Court, Baroda House, Bharat Mandapam leh Indraprastha-te a paltlang dawn tih official thuchhuah chuan a tarlang bawk a ni.