PM YouTube channel-in subscriber mtd 30 nei tling

Prime minister Narendra Modi YouTube channel chuan subscriber mtd 30 a nei tling tawh a, YouTube lamah khawvela ram hruaitu zinga subscriber ngah ber a ni. Ram hruaitu zinga subscriber ngah ber dawttu chu Brazil president hlui Jair Bolsonaro a ni a, mahse Modi-a subscriber neih zat hmun lia ṭhena hmun khat vel chauh a nei pha. US president Donald Trump aiin Modi hian subscriber hi a let sarih chuangin a ngah zawk bawk.

Ram chhunga politician zingah pawh Modi hian subscriber a ngah fal bik hle. Congress party hruaitu Rahul Gandhi aiin a let thumin a ngah a, Aam Aadmi Party leh Indian National Congress party YoTube channel ai pawhin a let li chuangin subscriber a ngah zawk a ni.

Kar liam ta khan PM Modi hian Instragram-ah follower mtd 100 a lo nei tling tawh bawk a, khawvel ram hruaitu leh politician zinga IG-a follower ngah ber a lo ni tawh bawk. PM Modi hian kum 2014 khan IG hi a zawm ve chauh a, kum 10 chuang awrhah hetiang dinhmun hi a thleng thei a ni.

Modi hian digital media lam a hmang ṭangkai thei hle a, a tirah chuan a thusawi leh sorkar hmalakna tarlanna atan hman a ni ṭhin a, a hnuah chuan ram mipuite a biakpawhna leh, a policy sawifiahna atan a hmang a ni. Ram pawn lamah a hmalakna bakah, ram chhung leh ram pawna India mi lo thlirtute tana biak pawhna atan pawh a hmang ṭangkai hle bawk.