India leh France-in fighter jet siam chhuah kawnga thawh dun tumIndia leh France-in fighter jet siam chhuah kawnga thawh dun tum

6th India-France Annual Defence Dialogue, Bengaluru-a February a neihah India chuan France kutchhuak, futuristic sixth-generation fighter jet programme thawhpui an duh thu an tarlang. Meeting-ah hian India defence minister Rajnat Singh leh France minister of the armed forces and veterans affairs Catherine Vautrin-te'n thawh dunna tur chungchang hi an sawi dun.

Singh chuan France indo thlawhtheihna Future Combat Air System (FCAS) programme hnuaia sixth-generation combat aircraft duan leh siam chhuah kawnga thawhpui an duh thu France Minister hi a hrilh niin official lam chuan an tarlang. He project ṭhangduang tak hi kum 2017 khan France leh Germany-in tlangzarh ṭanin, kum 2019 khan Spain chuan project hi a zawm ve leh a ni.

Ruahman anga India-in a zawm chuan France nena defence bungrua siam chhuah kawnga thawh dunna huang zauhna pawimawh tak a ni thei dawn a ni. FCAS programme hnuaiah hian indo thlawhtheihna tunlai zawk, sixth generation siam chu kalpui ber a ni a, thlawhtheihna siamte hi unmanned system leh tunlai zawka indona hmachhwn thei tura thuam a ni.