India leh Canada-in Uranium indawr tawn remti

Prime minister Narendra Modi leh Canada prime minister Mark Carney-te chu nimin khan Hyderabad House, New Delhi-ah inkawmin ram pahnih thawh dunna tihchakna tur hrang hrang an sawi dun a; uranium-a indawr tawnna turin inremna an ziak nghal. Hruaitu pahnihte hian India-Canada Strategic Partnership kaltlanga thawh dunna neih hrang hrangte thlir letna hun an hmang nghal bawk.

Modi leh Carney chuan thawh dunna tihchakna turin comprehensive economic partnership atana inremna tihfel thuai chungchang an sawi dun nghal a, hei bakah hian West Asia-a buaina thleng mekte an sawi dun bawk. PM Modi chuan India dinna sawi langin , buaina chingfel zawnga inbiakna neih chu a thlawp tlat thu a sawi a ni.

Ram hruaitute inbiakna kaltlang hian ram pahnih thawh dunna tur hrang hangah inremna ziah fel a ni a, inremna ziah thar zingah hian critical minerals sector huanga thawh dunna tur pawh a tel. Inremna kaltlang hian Canada chuan India hnenah hian uranium a thawn lut thei dawn a ni. Defence industry leh tupui venhimna kawnga thawh dunna tihchak pawh remtih a ni bawk.