Canada PM rawn zin tur inlaichinna siam ṭhatnan hman tum

Canada prime minister Mark Carney chuan Indo-Pacific tour neiin March 1 hian India-ah a rawn zin dawn a, a rawn zin hi ram pahnihte inkar chhe tawh siam ṭhatna leh thawh dunna hrang hrang tihhmasawnna atana hman tum a ni.

Carney hian prime minister Narendra Modi nen an inkawm dawn a; sumdawnna, energy leh defence huanga ram pahnihte thawh dunna tur pawimawh hrang hrang sawidun an tum a ni. India-Canada inlaichinna tihhmasawnna atana hman a, technology leh artificial intelligence-ahte thawh dunna hi zauh tum a ni bawk.

PM Carney hian India bakah ram dang pahnih Australia leh Japan-te tlawh bawkin ram hrautitute nen inkawmna hun an hmang ve nghal dawn bawk. Canada chuan India chu Indo-Pacific huam chhunga a thawhpui ram chak ber a nih thu a sawi. Ram pahnihte hian nikum khan Comprehensive Economic Partnership Agreement siamin, kum 2030 hmain insumdawn tawnna chu USD tld 70 tlin tir an tum.