Mexico leh Iran-a embassy-in India mi leh sa tan hriattirna tichhuak

Mexico leh Iran-a Indian embassy-te chuan tun hnaia heng ram pahnih boruak chhe chho mek avangin India mi leh sa chengte tana hriattur pawimawh nimin khan an tichhuak. Embassy chuan Mexico leh Iran-a India khua leh tui chengte chu inralring turin a hriattir a, a bikin Iran-a awmte chu kawng awm ang angte hmanga ram chhuahsan turin a hriattir.

Mexico-ah hian drug lord Nemesio Oseguera Cervantes, "El Mencho" tia hriat lar chu sipaiten beihpui an thlaknaah Pathianni khan an kap hlum a, a pawl mi leh sate buaina siam vangin tualchhung buaina nasa zawk chhuak maithei a nih avangin India mi awmte chu fimkhur taka inralring reng tura hriattir a ni. Iran-ah hian ram rorelna duh loh avangin zirlai hrang hrang te'n university-ah lungawi lohna an lantir a, hemi avang hian zirna in hrang hrangah buaina a chhuak zui bawk.

Ram pahnih buaina avang hian embassy chuan India mi leh sate himna tur kawng an ngaihtuah nghal a ni. Iran-a chengte hnenah nawrh huaihawtna hmunte chu hnaih lo tur leh embassy be pawp reng tur hian a hriattir. Mexico-a chengte pawh security operation kalpui mek laka fimkhur tura chahin, inven dan tur hrang hrangte an tichhuak bawk a ni.