India-in 'Israel West Bank plans' selna thuchhuah siam ve leh

India chuan United Nations hnuaia ram hrang hrang intelkhawmin West Bank-a Israel-in a thuneihna zauh a tumna duh loh leh sawiselna thuchhuah inṭawm an siamnaa a tel loh hnuah, Nilaini khan Israel ruahmanna siam sawiselna thuchhuah chu a hranin a siam ve leh.

UN-a Palestinian palai, Riyad Mansor chuan India-in Israel hmalakna a demna thu hi a a chhiar chhuak a, he hunah hian ram hrang hrang aṭangin hotu eng emaw zat an tel bakah UN security council-a permanent member US tih loh zawngin an tel pui a ni. Israel-in Palestinian ram a luaha, West Bank-a a thuneihna huang zuahna tur a siam hian sawisel a hlawh zui hle.

Prime minister Narendra Modi chuan February 25-26 hian Israel tlawh a tum a, hei vang hian Israel demna thu pawh a tihchhuah tlai chhan nia ngaih a ni. Mahse, darkar 24 liam hnuah thuchhuah hi a siam ve leh ta tho a ni.

Ram hrang hrang 100 chuanga sorkar leh international organization-te chuan thuchhuah inṭawm hi siamin, Israel hmalak tumna hi an dem thu an sawi a, pawm theih loh a nih thu an tarlang bawk. Delhi-a AI summit hmanga rawn zin UN secretary- general Antonio Guterres pawhin Israel sorkar demna thu a tichhuak ve bawk a ni.