BJP MP Dubey-a'n LS-ah Rahul Gandhi ban tura rawtna 'motion' theh lut

BJP MP Nishikant Dubey chuan nimin khan Lok Sabha-a Leader of Opposition (LoP) Rahul Gandhi MP a nihna aṭanga ban tura rawtna(motion) a theh lut tih a sawi. Dubey hian Gandhi banna tur bakah a dam chhunga inthlan chuh thei tawh lo tura hremna pek pawh a ngen tel bawk niin a tarlang.

Dubey chuan a motion theh luh chu Gandhi-a'n Nilainia India-US insumdawn tawnna tura inremna lailawk neih chungchanag sorkar laipui na taka a beih vang niin a sawi. Gandhi hian PM Modi chu 'ram hralhtu' ah puhin US nena inremna lailawk neih chu loneitute duh dan ngaihthahna, textile sector hremna bakah energy huanga US chauh dah pawimawh tumna niin a sawisel a ni.

LoP ban tura rawtna a thlenah hian Gandhi chu rampawn a tlawhna hrang hrangah Soros Foundation, USAID, Ford Foundation-te nena inzawmna nei leh ram dodal, anti-India zawnga che ṭhin niin a puh let ve thung. Gandhi laka substansive motion theh luh hi mahni thutlukna emaw ngaihdan pholanna atana hman ṭhin a nih avangin hmalak zui theih a ni lo thung.