MHA-in national song 'Vande Mataram' sak dan tur kaihhruaina tichhuak

Ministry of Home Affairs (MHA) chuan India national song, 'Vande Mataram' sak dan turah kaihhruaina thar a tichhuak. Hriattirna tihchhuahah hian Bankim Chandra Chattopadhyay phuah, 'Vande Mataram' chu national anthem 'Jan Gana Man' nena play dun a nih chuan 'Vande Mataram' zawk chu tihrik hmasakah hmang ṭhin turin a ti.

Home ministry chuan national song sak dan tur protocol a siam tharah hian national song a hla tlar ruk awmte chu minute 3 leh second 10 chhunga sak tur a ni a; sakna tur hmun turte tarlang telin official function hrang hrang - president hmuahna, hnam puanzar pawh parh lai, leh Governor thusawi dawnahte play ṭhin turin a ti a ni.

Hei bakah hian national song chu mipui punkhawmna hmuna sak a nihna apiangah hla thu official version chu rualkhai taka sak a nih theihna turin sem ṭhin tura tih a ni a;official version national song chu hnam bil hun buatsaihah pawh play zel turin a hriattir bawk. Hei bakah punkhawmna hmuna sak a nih apiangin official version chu chham chhuak tel ṭhin turin a phut bawk.

National Song 'Vande Mataram' hi nikum khan a kum 150 tlin lawmna buatsaih niin, hemi pual hian pawisa thir, 'Coin' leh stamp-te siam a lo ni tawh a ni. National song hi chawi lar thar a nih theihna turin zirna in hrang hrangte chu programme an buatsaihah uar leh zual zawkin tiri ṭhin tura hrilh an ni bawk a ni.