France President Macron India-ah rawn zin dawn

France president Emmanuel Macron chuan ni thum cham turin karlehah India a rawn tlawh dawn a, February 19-a AI Impact Summit Bharat Mandapam, Pragati Maidan, New Delhi-a neih tur a rawn chhim nghal dawn bakah prime minister Narendra Modi nen sector hrang hranga thawh dunna tihchakna turin an inkawm bawk ang.

Macron hian Mumbai chu a tlawh hmasa ber dawn a, PM Modi nen "India-French Year of Innovation" an hawng dun nghal dawn a ni. Hruatitu pahnihte hi Mumbai-ah hian inkawm nghalin, 'Horizon 2047 road map' a thawh dunna tur duan tawh chungchang an sawi dun nghal dawn a ni.

India leh France thawh dunna tur, "Horizon road map' hi kum 2023 July-ah khan Modi leh Macron-te hian khuh hawng tawhin, a tum ber chu ram pahnih inkar tihnghehna tur, sumdawnna leh investment huang tihhmasawnte a ni. Year of Innovation hmangin ram pahnihte hian sector hrang hrang leh hnam nunphung, sumdawnna leh technology huanga thawh dunna tihhmasawn an tum bawk.