Rafale Fighter Jets 114 leina tur tifel dawn hnai

Defence Ministry chuan tun kar chhungin France ram siam, Rafale fighter jet 114, Rs vbc 3.25 man leina tur inremna a tifel dawn nia sawi a ni.

France president Emmanuel Macronc huan India ram rawn tlawh a tum a, Macron rawn zin hma hian inremna hi tihfel hman an tum. Hei hi tihfel a nih chuan India-in arms deal a siam tawh zinga lian ber a ni ang.

Inremna an siam turah hian fighter jet 100 vel hi India ram chhunga siam tura tih tel a ni a, hei vang hian high-grade fighter jet tech-te chu India ramah lak luh a ngai dawn a, 'make in India' programme thuam chakna atan pawh a pawimawh dawn a ni. India chu France ram aṭanga twin-engined, multi-fole fighter jet leitur lian ram zingah a tel dawn bawk.

India hian Rafale jet hi 36 a nei mek a, a hnuhnung ber 'C' variant chu December 2024 khan Air Force hnenah hlan an ni. Naval variant 26, 'M' version, Rs vbc 63,000 man a lo order tawh bawk a ni. Hei hi kum 2030-ah India kuta hlan man tura tih a ni. 'M' version hi aircraft carriers INS Vikrant leh INS Vikramaditya-ah dah an ni ang.