India Army-in ram 99 nena thawh hona tur 'Friends For Life' platform tlangzarh

Chief of Army Staff General Upendra Dwivedi chuan Ningani khan India leh a thawhpui ram sipai officer-te thawh hona tihchakna tura duan website, 'Friends for Life' platform a tlangzarh. He hunah hian India ṭhian ṭha, ram pawn lama thawktu 39 ten an tel pui. Platform hi ram 99 aṭanga sipai hotu, India Army training-na hmuna lo training ve tawhte nen thawh hona chak zawk a thlen theihna tura ruahman a ni.

India Army hian kum 10 liam ta chhung khan a ṭhianṭha ram hrang hrang aṭangin sipai service lai 21,500 chuang chu training an lo pe tawh a ni. 'Friends for Life' tlangzarh tak kaltlang hian India Army leh ramdang sipaite chuan thawh hona ṭha, inrelbawlna changtlung leh defence huanga an thawh honate tihchak theih beisei a ni bawk.

Army chuan kumpinu rorelna hnuaia awm lai tilang thei hrang hrang- kawngpui, building leh bungraw hrang hrang 246 hming an thlak bawk. Ram chhunga sipai chawimawina dawngte, indonaa mi huaisente, leh sipai hruaitu challang tak takte hmingin an thlak tih an tarlang. Hming thlak hi kawngpui 124, chenna hmun colony 77, building leh sipai bungrua 27 bakah park, training areas, sport grounds, leh helipad 18 an tel.

Kumpinu awpna hnuai a awm hunlaia mi, India sipai history hmanga thlak zingah hian Kirby Place chu Kenuguruse Viha tih a ni a, Mall Road pawh Arun Khetrapal Marg tihin thlak a ni. India Military Academy, Dehradun-a mi Colins Block chu Nubra Block tiha thlak niin Fort William pawh Vijay Durg tihin thlak a ni a; Rangapaha sipai hmuna sport complex pawh Laishram Jyotin Singh Sports Complex tihin thlak a ni bawk.