India leh Bhutan-in power sector-a thawh dunna tichak dawn

India leh Bhutan chuan power sector huanga thawh dunna tihchak an tum thu Thawhlehni khan an puang . Thawh dunna tihchak dan ngaihtuah hian Bhutan energy and natural resources minister Lyonpo Gem Tshering leh union power minister Manohar Lal-te chu Delhi-ah an inkawm a ni.

Inbiaknaah hian ram pahnih aiawhte chuan Punatsanchhu-II Hydroelectric Project, 1020 MW pe chhuak thei aṭanga commercial atana power pek chhuah tihtlem chungchang an sawi dun a; Punatsangchhu-I Hydroelectric Project (1200 MW) hman thuai a nih theih dan tur te, Sankosh Hydropower Project tihhmasawn chunchang pawh an sawi.

India leh Bhutan chuan power inpek tawn theihna tur infrastucture planning chu kum 2040 thleng neih an duh thu sawiin, kalpui dan tur kimchang pawh buaipui mek a ni. Meeting-ah hian Bhutan-in hun khirhkhan an tawh laia power mumal pekna tur ruahmanna siam dan tur pawh an sawi tel bawk.