Kolkata-a godown kanga thi zat pung

Kolkata-a tunkar Pathianni zana Anandapur, South 24 Parganas district-a godown kang aṭangin ruang 13 hmuh belh leh a ni a, he chhiatna thlenga thi ruang hmuh tawh chu mi 21 an tling tawh. Hei bakah chin hriat loh a awm mi 28 an la awm bawk niin police-te chuan nimin khan an tarlang.

Kangmei nasa tak chhuak vang hian Anandapur, South 24 Parganas district-a momo company godown pahnih chu engmah chuh hman lohin a kang rel vek a ni. Thuneitute chuan chhiatna thlenna hmun aṭanga ruang an hmuh belh zel avang hian vantlang mipui tlawh pawh theih loh turin an khuahkhirh zui nghal bawk.

Ruang 21 lakchhuah tawhte hi an kan chhiat nasat em a vangin an taksa peng hrang hrang hmanga finfiah a nih theihna turin DNA mapping kalpui a nih tur thu official chuan an tarlang.