2025 December chhungin damdawi 167-in ṭhat lam tehna pha lo

Union Health Ministry chuan kum 2025 December thla chhungin ram chhung hmun hrang hrang aṭanga damdawi an endiknaah damdawi ṭhat lam tehna pha lo 167 hmuh chhuah a ni tih an tarlang. Damdawi ṭha tawk lo, "Not of Standard Quality" (NSQ) te hi Central Drugs Standard Control Organisation (CDSCO) portal-ah thla tin tarlan ṭhin a ni.