Iran-a India mi awmte hruai kir dawn

India chuan tunlai Iran dinhmun thlirin Iran-a India mi chengte chu hruai kir tum a nih thu Ningani khan a tarlang. Ministry of External Affairs chuan Iran khawpui, Tehran-a India embassy chu India mi awmte be pawp a, hruai chhuahna tur mamawh angte ngaihtuah turin an hriatir tawh thu a tarlang bawk.

Iran-ah hian an pawisa hlutna tlakhniam nasat avangin December 28 khan dawrkaiten lungawi lohna an lantir ṭan a, hemi hnu hian khawpui hrang hrangah nawrh chhunzawmin buaina a chhuak zui a ni. Tualchhung buaina thleng vang hian Nilaini khan sawi lawk awm loin Iran hian commercial aircraft tan airspace a khar a; mahse, Ningani khan an hawng leh nghal.

India chuan Iran-a India mi leh sa chengte chu hruai kir turin hma a la a; mahse, airspace khar a nih vang hian a hlawm liana hruai chhuah hi thil awlsam a nih loh bakah, lungawi lohna lantirna vang hian internet service tihtawp a ni a,embassy tan pawh mi biak pawh a harsa hle bawk. Hartsatna hrang hrang awm vang hian Iran lam thawhpuina tel lo chuan India mi leh sa hruai kir chu thil harsa a nih rih thu official lam chuan an sawi.