CPC aiawh leh Left party hruaitute inhmu

China aṭanga rawn zin, Communist Party of China(CPC) hruaitute leh India-a Left party hruaitu hrang hrangte chu Nilaini khan New Delhi-ah an inkawm. CPC aiawha rawn kalte hi party vice minister Sun Haiyan chuan a rawn ho a ni.

Nikum September-ah khan Communist Party of India (Marxist) (CPI[M]) hruaitute chu general secretary M.A. Baby kaihhruainain CPC international department sawmna hian China-ah an lo han zin ve tawh bawk.

CPC aiawha rawn zinte hian Thawhṭanni khan BJP headquarters an tlawh bakah, a tuk Thawhlehni khan Rashtriya Swayamsevak Sangh(RSS) general secretary Dattatreya Hosabale biangbiakna hun an hmang a, Congress Foreign Affairs Department hotu lu Salam Khurshid an tlawh nghal bawk. CPC aiawh leh Left party inhmuhkhawmnaah hian ram chhunga party CPI(M), CPI leh All India Forward Bloc (AIFB) aiawhte an tel a ni.